Poetry آج کے منتخب اشعار

[master007]

تحسین ہے لب پر تِرے دشنام نہیں ہے
الزامِ تمنّا کوئی الزام نہیں ہے

خُوبی تِری بے قید ہے خواہش مِری بیحد
اِن دونوں کے آغاز کا انجام نہیں ہے

حسرت موہانی​​

 

[master007]

کعبہ نہیں، کہ ساری خُدائی کو دخل ہو
دل میں سِوائے یار کسی کا گُزر نہیں

یاس یگانہ چنگیزی​​

 

[master007]

ہم سادہ ہی ایسے تھے، کی یوں ہی پذیرائی
جس بار خزاں آئی، سمجھے کہ بہار آئی

اُمیدِ تلطّف میں رنجیدہ رہے دونوں
تُو اور تِری محفل، میں اور مِری تنہائی

فیض احمد فیض​​

 

[master007]

مثالِ زینۂ منزل بکارِ شوق آیا
ہر اِک مقام، کہ ٹُوٹی جہاں جہاں پہ کمند

فیض احمد فیض​​

 

[master007]

اِس انجمن میں دیکھیے اہلِ وفا کے ظرف
کوئی ادا شناس ہے، کوئی ادا شکار

آتا ہے خود ہی چوٹ پہ صیدِ سُبک مُراد
ہوتا ہے ورنہ کون زکارِ قضا شکار

مجید امجد​​

 

[master007]

دن رات ظرفِ وقت میں ڈھلتی ہے زندگی
مٹتی نہیں ۔۔۔۔۔۔۔ لباس بدلتی ہے زندگی

سکندر علی وجد​​

 

[master007]

تعبیر جس کو موت سے کرتے ہیں بے خبر
تبدیلیء مقام ہے ۔۔۔۔۔۔مرتا نہیں کوئی
دریائے زندگی ہے دما دم رواں دواں
ڈوبے بغیر ۔۔۔۔پار اترتا نہیں کوئی

سکندر علی وجد​​

 

[master007]

تصویر کائنات ابھی ناتمام ہے
قدرت کو روز نقش بدلنے سے کام ہے

سکندر علی وجد​​

 

[master007]

رہبر کی ضرورت نہیں یہ ایسا سفر ہے
منزل کا پتہ دیتے ہیں کچھ نقشِ قدم بھی

فاطمہ تاج​​

 

[master007]

ان گنت امروں میں ، اور کیا ہے تِرے دل کے لئے
اک جیون ہار ڈر سا ہے ترے دل کے لئے

اپنے ضمیروں کے ثمر ہیں، پستیاں، سچائیاں
جانے تِرے ذہن میں کیا ہے، تِرے دل کے لئے

مجید امجد​​