Poetry آج کے منتخب اشعار

[master007]

وہ رہنے دے یا رب درِ توبہ، کہ ابھی تو
حسرت ہی کہاں تیرے گنہگار کی نکلی

احمد فراز​​

 

[master007]

تجھ ایسے مسیحا کے تغافل کا گِلہ کیا
ہم جیسوں کی پُرسش کو قضا تک نہیں آئی

دعوائے وفا پر بھی طلب دادِ وفا کی
اے کشتۂ غم تجھ کو حیا تک نہیں آئی

احمد فراز​​

 

[master007]

اب ہوچکی ہے جرم سے زائد سزائے دل
جانے دو، بس معاف بھی کردو خطائے دل

ہر ہر ادا بُتوں کی ہے قاتل برائے دل
آخر کوئی، بچائے تو کیونکر بچائے دل

خواجہ عزیزالحسن مجذوب​​

 

[master007]

ہوئی ہے جوشِ گل سے جوشِ وحشت اِس قدر پیدا
کہ ہر موجِ ہوا پہنے ہوئے زنجیر پھرتی ہے

بہادر شاہ ظفر​​

 

[master007]

مت پُوچھ کہ ہم ضبط کی کِس راہ سے گُزرے
یہ دیکھ کہ تُجھ پر کوئی اِلزام نہ آیا

مصطفیٰ زیدی​​

 

[master007]

وہ محل کی چھت پہ جو چاند ہے، خُدا جانے کاہے کو مانْد ہے
یہ طِلسْم ہے کسی حُسن کا، یا مِری نظر ہے تھکی ہوئی

بیکل اتساہی​​

 

[master007]

کس صنم کی بندگی میں بُت پرستی چھوڑ دی​
ہو گئی مومِن کی سی کیوں دین داری آپ کی​
​
مومن خاں مومن ​​​

 

[master007]

نہ ہُوا، پر نہ ہُوا میر کا انداز نصیب !
ذوق یاروں نے بہت زور غزل میں مارا

شیخ محمد ابراھیم ذوق​​

 

[master007]

ہم کب کے چل بسے تھے پر اے مژدۂ وصال​
کچھ آج ہوتے ہوتے سرانجام رہ گیا
​
خواجہ میر درد​​​

 

[master007]

رعنائیِ خیال کو ٹھہرا دیا گناہ!​
زاہد بھی کس قدر ہے مذاقِ سُخن سے دُور​
​
حسرت موہانی​​​