Poetry میری پسندیدہ شاعری

[Immi]

کسی کو گھر ملا حصے میں یا کوئی دکاں آئی
میں گھر میں سب سے چھوٹا تھا مرے حصے میں ماں آئی

یہاں سے جانے والا لوٹ کر کوئی نہیں آیا
میں روتا رہ گیا لیکن نہ واپس جا کے ماں آئی

ادھورے راستے سے لوٹنا اچھا نہیں ہوتا
بلانے کے لیے دنیا بھی آئی تو کہاں آئی

کسی کو گاؤں سے پردیس لے جائے گی پھر شاید
اڑاتی ریل گاڑی ڈھیر سارا پھر دھواں آئی

مرے بچوں میں ساری عادتیں موجود ہیں میری
تو پھر ان بد نصیبوں کو نہ کیوں اردو زباں آئی

قفس میں موسموں کا کوئی اندازہ نہیں ہوتا
خدا جانے بہار آئی چمن میں یا خزاں آئی

گھروندے تو گھروندے ہیں چٹانیں ٹوٹ جاتی ہیں
اڑانے کے لیے آندھی اگر نام و نشاں آئی

کبھی اے خوش نصیبی میرے گھر کا رخ بھی کر لیتی
ادھر پہنچی ادھر پہنچی یہاں آئی وہاں آئی

(منور رانا)​

 

[lips.sucker]

ذبردست کلیکشن ہے آپکی
قابل تعریف

 

[Kaka shrarti]

Behtteen janab maza agya bohot khob

 

[Multanimunda009]

Maza aagya sb parhy ky aagai bhe aaega

 

[Sexy_dick_lhr]

ﺍﺏ ﮐﮯ ﮨﻢ ﺑﭽﮭﮍﮮ ﺗﻮ ﺷﺎﯾﺪ ﮐﺒﮭﯽ ﺧﻮﺍﺑﻮﮞ ﻣﯿﮟ ﻣﻠﯿﮟ
ﺟﺲ ﻃﺮﺡ ﺳﻮﮐﮭﮯ ﮨﻮﺋﮯ ﭘﮭﻮﻝ ﮐﺘﺎﺑﻮﮞ ﻣﯿﮟ ﻣﻠﯿﮟ

ﮈﮬﻮﻧﮉ ﺍﺟﮍﮮ ﮨﻮﺋﮯ ﻟﻮﮔﻮﮞ ﻣﯿﮟ ﻭﻓﺎ ﮐﮯ ﻣﻮﺗﯽ
ﯾﮧ ﺧﺰﺍﻧﮯ ﺗﺠﮭﮯ ﻣﻤﮑﻦ ﮨﮯ ﺧﺮﺍﺑﻮﮞ ﻣﯿﮟ ﻣﻠﯿﮟ

ﻏﻢِ ﺩﻧﯿﺎ ﺑﮭﯽ ﻏﻢِ یاﺭ ﻣﯿﮟ ﺷﺎﻣﻞ ﮐﺮﻟﻮ
ﻧﺸّﮧ ﺑﮍﮬﺘﺎ ﮨﮯ ﺷﺮﺍﺑﯿﮟ ﺟﺐ ﺷﺮﺍﺑﻮﮞ ﻣﯿﮟ ﻣﻠﯿﮟ

ﺗُﻮ ﺧﺪﺍ ﮨﮯ ﻧﮧ ﻣﺮﺍ ﻋﺸﻖ ﻓﺮﺷﺘﻮﮞ ﺟﯿﺴﺎ
ﺩﻭﻧﻮﮞ ﺍﻧﺴﺎﮞ ﮨﯿﮟ ﺗﻮ ﮐﯿﻮﮞ ﺍﺗﻨﮯ ﺣﺠﺎﺑﻮﮞ ﻣﯿﮟ ﻣﻠﯿﮟ

ﺁﺝ ﮨﻢ ﺩﺍﺭ ﭘﮧ ﮨﻢ ﮐﮭﯿﻨﭽﮯ ﮔﺌﮯ ﺟﻦ ﺑﺎﺗﻮﮞ ﭘﺮ
ﮐﯿﺎ ﻋﺠﺐ ﮐﻞ ﻭﮦ ﺯﻣﺎﻧﮯ ﮐﻮ ﻧﺼﺎﺑﻮﮞ ﻣﯿﮟ ﻣﻠﯿﮟ

ﺍﺏ ﻧﮧ ﻭﮦ ﻣﯿﮟ ﻧﮧ ﻭﮦ ﺗﻮ ﮨﮯ ﻧﮧ ﻭﮦ ﻣﺎﺿﯽ ﮨﮯ ﻓﺮﺍﺯ
ﺟﯿﺴﮯ ﺩﻭ ﺷﺨّﺺ ﺗﻤﻨﺎ ﮐﮯ ﺳﺮﺍﺑﻮﮞ ﻣﯿﮟ ﻣﻠﯿﮟ

​(احمد فراز)​

بھائی جی آپکی پسند بہت الگ اور شاندار ہے
ہر غزل کمال کی ہے
پر اپنی یہ آل ٹائم پسندیدہ ہے
بہت کمال انتخاب ہے آپکا
قابلِ تعریف

 

[Immi]

اپنے احساس سے چھو کر مجھے صندل کر دو
میں کہ صدیوں سے ادھورا ہوں مکمل کر دو

نہ تمہیں ہوش رہے اور نہ مجھے ہوش رہے
اس قدر ٹوٹ کے چاہو مجھے پاگل کر دو

تم ہتھیلی کو مرے پیار کی مہندی سے رنگو
اپنی آنکھوں میں مرے نام کا کاجل کر دو

اس کے سائے میں مرے خواب دہک اٹھیں گے
میرے چہرے پہ چمکتا ہوا آنچل کر دو

دھوپ ہی دھوپ ہوں میں ٹوٹ کے برسو مجھ پر
اس قدر برسو مری روح میں جل تھل کر دو

جیسے صحراؤں میں ہر شام ہوا چلتی ہے
اس طرح مجھ میں چلو اور مجھے جل تھل کر دو

تم چھپا لو مرا دل اوٹ میں اپنے دل کی
اور مجھے میری نگاہوں سے بھی اوجھل کر دو

مسئلہ ہوں تو نگاہیں نہ چراؤ مجھ سے
اپنی چاہت سے توجہ سے مجھے حل کر دو

اپنے غم سے کہو ہر وقت مرے ساتھ رہے
ایک احسان کرو اس کو مسلسل کر دو

مجھ پہ چھا جاؤ کسی آگ کی صورت جاناں
اور مری ذات کو سوکھا ہوا جنگل کر دو​

(​وصی شاہ)​​​​​

 

[Immi]

میں خوش نصیبی ہوں تیری مجھے بھی راس ہے تو
تیرا لباس ہوں میں اور میرا لباس ہے تو

عجیب شے ہے محبت کے ہم کہاں جائیں
تیرے پاس ہوں میں بھی میرے بھی پاس ہے تو

میں نے خود کو فراموش کیا تیرے لیے
عام ہے سارا جہاں میرے لیے خاص ہے تو

بند ہونٹوں پر میرے ریت جمی جاتی ہے
میرے پاس ہے پھر بھی میری پیاس ہے تو

درمیان تیرے میرے جب سے لوگ آنے لگے
اس کے بعد سے میں تنہا اور بے ایس ہے تو

زمانہ ہم کو جدا کر سکے نہیں ممکن
محبت میں جو ناخن ہوں میں تو ماس ہے تو

دور ہو کر بھی نہیں ہے کوئی دوری
تیرے قریب ہوں میں میرے بھی پاس ہے تو

یہ کون تیرے میرے درمیان ہے جاناں
کے میں بے درد میں ہوں اور محو یاس ہے تو

زندگی میری تیرے گرد گھومتی ہے فقط
عام ہے سارا جہاں میرے لیے ایک خاص ہے تو

عجیب شے ہے محبت میں کہیں چلا جاؤں
تیرے قریب ہوں میں اور میری پیاس ہے تو

(​وصی شاہ)​

 

[Immi]

یہ ایک بات سمجھنے میں رات ہو گئی ہے
میں اس سے جیت گیا ہوں کہ مات ہو گئی ہے

میں اب کے سال پرندوں کا دن مناؤں گا
مری قریب کے جنگل سے بات ہو گئی ہے

بچھڑ کے تجھ سے نہ خوش رہ سکوں گا سوچا تھا
تری جدائی ہی وجہ نشاط ہو گئی ہے

بدن میں ایک طرف دن طلوع میں نے کیا
بدن کے دوسرے حصے میں رات ہو گئی ہے

میں جنگلوں کی طرف چل پڑا ہوں چھوڑ کے گھر
یہ کیا کہ گھر کی اداسی بھی ساتھ ہو گئی ہے

رہے گا یاد مدینے سے واپسی کا سفر
میں نظم لکھنے لگا تھا کہ نعت ہو گئی ہے

(​تہزیب حافی​)​

 

[Immi]

پرائی آگ پہ روٹی نہیں بناؤں گا
میں بھیگ جاؤں گا چھتری نہیں بناؤں گا

اگر خدا نے بنانے کا اختیار دیا
علم بناؤں گا برچھی نہیں بناؤں گا

فریب دے کے ترا جسم جیت لوں لیکن
میں پیڑ کاٹ کے کشتی نہیں بناؤں گا

گلی سے کوئی بھی گزرے تو چونک اٹھتا ہوں
نئے مکان میں کھڑکی نہیں بناؤں گا

میں دشمنوں سے اگر جنگ جیت بھی جاؤں
تو ان کی عورتیں قیدی نہیں بناؤں گا

تمہیں پتا تو چلے بے زبان چیز کا دکھ
میں اب چراغ کی لو ہی نہیں بناؤں گا

میں ایک فلم بناؤں گا اپنے ثروتؔ پر
اور اس میں ریل کی پٹری نہیں بناؤں گا

​(​ تہزیب حافی)​​​

 

[Immi]

میرے دل میں یہ تیرے سوا کون ہے
تونہیں ہے تو تیری جگہ کون ہے؟

کیا کہوں دین و دُنیا سے دِل اُٹھ گیا
میرے پہلوسے اُٹھ کے گیا کون ہے

ہم مُحبت میں ہارے ہوئے لوگ ہیں
اور مُحبت میں جیتا ہوا کون ہے؟

تو نے جاتے ہوئے یہ بتایا نہیں
میں تیرا کون ہوں تو میرا کون ہے؟

تہذیب حافی​)​