Poetry آج کے منتخب اشعار

[master007]

کتنی شبِ حیات تھی محرومِ روشنی
اب لاکھ گردِ قبر چراغاں کرے کوئی

حُسین انجُم​​

 

[master007]

کب تک کوئی طوفان اُٹھانے کے نہیں ہم
بے صرفہ تو اب جان سے جانے کے نہیں ہم

معلوم ہے خمیازۂ حسرت ہمیں، یعنی
کھو بیٹھیں گے خود کو تمہیں پانے کے نہیں ہم

ڈاکٹر پیرزادہ قاسم​​

 

[master007]

ہم رات بہت روئے، بہت آہ و فغاں کی
دل درد سے بوجھل ہو تو پھر نیند کہاں کی

اللہ کرے، میرؔ کا جنت میں مکاں ہو
مرحوم نے ہر بات ہماری ہی بیاں کی

ابنِ انشا​​

 

[master007]

دل بستگی اُس کوچے میں ایسی ہے بشر کی
دیوانہ بھی، پھر جانبِ صحرا نہیں جاتا

داغ دہلوی​​

 

[master007]

مُدّت سے تو دِلوں کی مُلاقات بھی گئی
ظاہر کا پاس تھا، سو مدارات بھی گئی

پِھرتے ہیں میر خوار کوئی پُوچھتا نہیں
اِس عاشقی میں عزّتِ سادات بھی گئی

میر تقی میر​​

 

[master007]

یہ اصل زندگی ہے، یہ جانِ حیات ہے
حُسنِ مذاق، شورشِ سَودا کہیں جسے

اِس ہولِ دل سے گرم روِ عرصۂ وجُود
میرا ہی کچُھ غُبار ہے، دُنیا کہیں جسے

اصغر گونڈوی​​

 

[master007]

ہجومِ شوق میں اب کیا کہوں میں، کیا نہ کہوں
مجھے تو خود بھی نہیں اپنا مُدّعا معلوم

معاملہ نگہِ ناز سے ہے اَے اصغر
بہانۂ الم و حیلۂ قضا معلوم

اصغر گونڈوی​​

 

[master007]

شوقِ بقائے درد کی ہیں ساری خاطریں
ورنہ دُعا سے اور کوئی مُدّعا نہیں

حسرت موہانی​​

 

[master007]

بشر ہُوں میں فرشتہ کیوں بنوں؟ جیسا ہوں اچّھا ہُوں
بغاوت اپنی فطرت سے، نصیبِ دشمناں، کیوں ہو

یاس یگانہ چنگیزی​​

 

[master007]

دوڑتے پھرتے تھے جلوے اُن کے موج نُور میں
دُور سے ہم رازِ شمعِ انجمن دیکھا کئے

اصغر گونڈوی​​