Poetry آج کے منتخب اشعار

[master007]

ہے ہجر میں وصال، زہے خوبیِ خیال
بیٹھے ہیں انجُمن میں تِری، انجُمن سے دُور

حسرت موہانی​​

 

[master007]

تِرا ہر کمال ہے ظاہری، تِرا ہر خیال ہے سرسری​
کوئی دل کی بات کروں تو کیا، تِرے دل میں آگ تو ہے نہیں​


ناصر کاظمی​​​

 

[master007]

ساون میں خاک اُڑتی ہے دل ہے رُنْدھا ہُوا
جی چاہتا ہے گریۂ مستانہ کیجیے

یاس یگانہ عظیم آبادی​​

 

[master007]

ہے آدمی بجائے خود اِک محشرِ خیال
ہم انجمن سمجھتے ہیں، خَلوت ہی کیوں نہ ہو

مِٹتا ہے فوتِ فُرصت ہَستی کا غم کوئی
عمرِ عزیز صرفِ عبادت ہی کیوں نہ ہو

مرزا غالب​​

 

[master007]

ہمارے ذہن میں اِس فکر کا ہے نام وصال
کہ گر نہ ہو، تو کہاں جائیں، ہو تو کیوں کر ہو!

مجھے جُنوں نہیں، غالب! ولے بقولِ حضور
"فرقِ یار میں تسکین ہو تو کیوں کر ہو!"

مرزا غالب​​

 

[master007]

وہ جہاں بھی گیا لوٹا تو میرے پاس آیا
بس یہی اک بات اچھی ہے میرے ہرجائی کی

پروین شاکر​​

 

[master007]

شہرِ جمال کے خس و خاشاک ہوگئے
اب آئے ہو جب آگ سے ہم خاک ہوگئے

اے ابرِ خاص، ہم پہ برسنے کا اب خیال
جل کر تِرے فراق میں جَب راکھ ہو گئے

پروین شاکر​​

 

[master007]

اک تجھی کو منتظر پایا نظرکے سامنے
میں نےجب بھی سوچ کی دہلیزپررکھاقدم

ریحانہ قمر​​

 

[master007]

ساقیا تیرے بادہ خانے میں
نام ساغر ہے مےَکو ترسےہیں

ساغر صدیقی​​

 

[master007]

دِل کو مہر و مہ و انجُم کے قرِیں رکھنا ہے
اِس مُسافر کو مگر خاک نشِیں رکھنا ہے

پروین شاکر​​