Poetry آج کے منتخب اشعار

[master007]

آج تو ہم کو پاگل کہہ لو، پتّھر پھینکو، طنز کرو
عشق کی بازی کھیل نہیں ہے، کھیلو گے تو ہارو گے

اہلِ وفا سے ترکِ تعلّق کرلو، پر اِک بات کہیں
کل تم اِن کو یاد کرو گے، کل تم اِنہیں پُکارو گے

ابن انشا​​

 

[master007]

اب آئے ہو تو یہاں کیا ہے دیکھنے کیلیے
یہ شہر کب سے ہے ویراں، وہ لوگ کب کے گئے

تم اپنی شمْعِ تمنّا کو رو رہے ہو فراز!
ان آندھیوں میں تو پیارے چراغ سب کے گئے


احمد فراز​​

 

[master007]

پلکوں پہ لرزتے ہوئے تارے سے یہ آنسو
اے حُسنِ پشیماں تِرے قربان گئے ہم

ہم اور ترے حُسنِ تغافل سے بگڑتے
جب تو نے کہا مان گئے، مان گئے ہم

سیف الدین سیف​​

 

[master007]

در پردہ جفاؤں کو اگر جان گئے ہم
تم یہ نہ سمجھنا، کہ بُرا مان گئے ہم

ہے سیف بس اتنا ہی تو افسانۂ ہستی
آئے تھے پریشان، پریشان گئے ہم

سیف الدین سیف ​​​

 

[master007]

دلِ حزِیں میں تِرے شوقِ مُضطرب کے نِثار
اِس انجُمن میں تُجھے کوئی کام بھی تو نہیں

بیاں ہوں کیسے وہ دیرینہ ارتباطِ نہاں
کہ تُجھ سے، اگلے پیام و سلام بھی تو نہیں

فراق گورکھپوری​​

 

[Sun flower]

کمال جی کمال

 

[Haris1234]

رہیں گے چل کے کہیں اوراگر یہاں نہ رہے
بَلا سے اپنی جو آباد گُلسِتاں نہ رہے

ہم ایک لمحہ بھی خوش زیرِ آسماں نہ رہے
غنِیمت اِس کوسَمَجْھیے کہ جاوِداں نہ رہے

سیماب اکبرآبادی​​

Wah wah boht behtareen Ashar boht aala

 

[master007]

ہمیں اپنے گھر سے چلے ہوئے، سرِ راہ عمر گزر گئی
کوئی جُستجُو کا صِلہ مِلا نہ سفر کا حق ہی ادا ہُوا

ہمیں اِس کا کوئی بھی حق نہ تھا، کہ شریکِ بزْم خلُوص ہوں
نہ ہمارے پاس نقاب تھا، نہ کچھ آستیں میں چھپا ہُوا

اقبالعظیم​​

 

[master007]

اُمِید و یاس کے اب وہ پیام بھی تو نہیں
حیاتِ عشق کی، وہ صبْح وشام بھی تو نہیں

بس اِک فریبِ نظر تھا جمالِ گیسوو رُخ
وہ صبح بھی تو نہیں اب، وہ شام بھی تو نہیں

فراق گورکھپوری​​

 

[master007]

گُزر رہے ہیں عجب مرحلوں سے دِیدہ و دِل
سحر کی آس تو ہے، زندگی کی آس نہیں

مُجھے یہ ڈر ہے تِری آرزو نہ مٹ جائے
بہت دنوں سے طبیعت مری اداس نہیں

ناصر کاظمی​​