Poetry آج کے منتخب اشعار

[master007]

زہے وہ شوق جو پابند ایں و آں نہ رہا ​
خوشا وہ سجدہ، جو محدودِ آستاں نہ رہا ​
جنُونِ سجدہ کی معراج ہے یہی شاید !​
کہ تیرے دَرکے سِوا کوئی آستاں نہ رہا ​


جگر مُراد آبادی​​
​

 

[master007]

بہتر تو یہ ہے صلح کسی شرط سے کر لے
تقدیر سے کیوں لڑتی ہے تدبیر ہماری

یکتا قائم خانی​​

 

[master007]

کچھ اور سوچ لیں گے اگر مئے حرام ہے
اللہ کے کلام میں ۔۔۔۔کس کو کلام ہے

صفی اورنگ آبادی​​

 

[master007]

دربدر ہو کے بھی جو تیری طرف دیکھتے تھے
وہ تِرے خانماں برباد بھی اب تیرے نہیں

اب گِلہ کیا، کہ ہَوا ہوگئے سب حلقہ بگوش
میں نہ کہتا تھا کہ، یہ سہْل طلب تیرے نہیں

افتخارعارف​​

 

[Sun flower]

شاندار لا جواب
شاعری اس فورم کی زینت بنی ہے

 

[Imran Munir]

مزا آگیا کمال کا انتخاب

 

[Haris1234]

گُزر رہے ہیں عجب مرحلوں سے دِیدہ و دِل
سحر کی آس تو ہے، زندگی کی آس نہیں

مُجھے یہ ڈر ہے تِری آرزو نہ مٹ جائے
بہت دنوں سے طبیعت مری اداس نہیں

ناصر کاظمی​​

Wah wah boht khoob

 

[master007]

وہ چشم فتنہ گر ہے ساقیء میخانہ برسوں سے
کہ باہم لڑ رہے ہیں شیشہ و پیمانہ برسوں سے

اقبال سہیل​​

 

[master007]

چاندنی، باغ، ہوا، ابرِ بہاری، برسات
کیا کہوں کس نے بنایا ہے گنہ گار مجھے

صفی اورنگ آبادی​​

 

[master007]

روشن جمال ِیار سے ہے انجمن تمام
دہکا ہُوا ہے آتشِ گُل سے چمن تمام

اللہ ری جسمِ یار کی خُوبی، کہ خود بخود
رنگینیوں میں ڈوب گیا پیرہن تمام

حسرت موہانی​​