Poetry آج کے منتخب اشعار

[master007]

آجاؤ کہ اب خلوَتِ غم، خلوَتِ غم ہے
اب دِل کے دھڑکنے کی بھی آواز نہیں ہے

جگر مُراد آبادی​​

 

[master007]

یہ اشارہ ہم سے ہے اُن کی نِگاہِ ناز کا​
دیکھ لو تیرِ قضا ہوتا ہے اِس انداز کا​

سُرمہ ہوجاتا ہے جَل کر آتشِ سودا سے یار​
دیکھنے والا تِری چشمِ فسُوں پرداز کا​
​
خواجہ حیدرعلی آتش
​​

 

[master007]

حیرت آنکھوں کو ہے نظّارے میں اُس محبوب کے​
یہ نہیں کھُلتا کہ دِل کشتہ ہے کِس انداز کا​
اے زباں کیجو نہ شرحِ حالتِ دِل کا خیال​
مُنکشف ہونا نہیں بہتر ہے مخْفی راز کا​
​
خواجہ حیدرعلی آتش​​​

 

[master007]

کاٹ کر پرمُطمئن صیّاد بے پروَا نہ ہو​
رُوح بُلبُل کی، اِرادہ رکھتی ہے پرواز کا​
​
خواجہ حیدرعلی آتش​​​

 

[Haris1234]

کہنے کو زندگی تھی بہت مُختصر مگر
کچھ یُوں بسر ہوئی، کہ خُدا یاد آ گیا

خُمار بارہ بنکوی​

Wah Kya khoobsurat Ashar

 

[master007]

وقتِ رُخصت بڑا مُشکل تھا چُھپانا غم کا
اشک آنکھوں سے رَواں تھے، جو روانہ وہ تھا

عاشقی کا نہ مجھے ہی مگر اُن کو بھی خلش
رہ گیا یاد ہر اِک دن، کہ سُہانہ وہ تھا

شفیق خلش​

 

[master007]

نہ پوچھو ہم سے کہ وہ خُرد سال کیا شے ہے
کمر کے سامنے جس کی ہِلال کیا شے ہے

بنایا وہ یَدِ قُدرت نے خاک سے پُتلا
خجِل ہوں حُورمُقابل غزال کیا شے ہے

شفیق خلش​

 

[master007]

بدلتے ہی نہیں معیار میرے
وہی غم اب بھی ہے ، جیسا کہ تب تھا

احمد ندیم قاسمی ​

 

[master007]

اب تو دامن پہ لہو ہے، کہو کیا کہتے ہو
اب تو انکارِ سِتم کا کوئی پہلوُ بھی نہیں

جا تجھے ہم نے بس اے عمرِ رواں دیکھ لیا
ہم تجھے اپنا سمجھتے تھے مگر تو بھی نہیں
قمرجلالوی​

 

[master007]

صُوفِیوں کو وجْد میں لاتا ہے نغمہ ساز کا
شُبہ ہو جاتا ہے، پردے سے تِری آواز کا
پڑ گئے سوراخ دل میں، گفتگوئے یار سے
بے کنائے کے نہیں، اِک قول اُس طناز کا


خواجہ حیدرعلی آتش

​