Poetry آج کے منتخب اشعار

[master007]

میری قسمت میں لکھی گردش بھلا کس واسطے
میں تو اے انجم ثوابت میں نہ سیاروں میں تھا

آسمان جاہ انجم​​

 

[master007]

وہی ہے صانع، وہی ہے صنعت، جو سوچ دیکھو، کیا ہے حیرت
بنایا جس نے، کہ شکلِ آدم، ہم اس کو جانے وہ ہم کو جانے
وجود اپنا اگر عدم ہے، کہاں کی شادی، کہاں کا غم ہے
نمودِ ہستی ہے وہمِ عالم، ہم اس کو جانے وہ ہم کو جانے
نہیں ہے احوال اپنا یکساں، کبھو ہے شاداں، کبھو ہے حیراں
کبھو ہے خاموش چشم پر نم، ہم اس کو جانے وہ ہم کو جانے


شاہ خاموش​​

 

[master007]

صورت جدا ہے سب کی مگر اک ہے وجود
گل میں کون، خارِ مغیلاں میں کون ہے!!!
خاموش دیکھ ارض و سما میں ہے کس کا نور
سورج میں کون، ماہِ درخشاں میں کون ہے

شاہ خاموش​​

 

[master007]

اگر کہتا ہوں، میں ہوں، میں نہیں ہوں
یہ میں بھی میری ۔۔۔ سب تیرا بیان ہے

شاہ خاموش​​

 

[master007]

علم ظاہر داستانی اور ہے
علم اسرار نہانی اور ہے
وعظ پند و عالمانی اور ہے
حال و قال صوفیانی اور ہے
خضر سے چاہیں نہ ہم آبِ حیات
اپنی عمرِ جاودانی اور ہے
فکر میں خاموش کے ہے اور کچھ
گفتگو اب یہ زبانی اور ہے!!!!!!

شاہ خاموش​​

 

[master007]

اوسی بیرنگ کا جلوہ ہزاروں رنگ رکھتا ہے
جدا ہر شکل ہر ہر میں جمالِ یا ر ہے پیدا

شاہ خاموش​​

 

[master007]

ساقی، بہ جلوہ، دشمنِ ایمان و آگہی
مُطرب، بہ نغمہ، رہزنِ تمکین و ہوش ہے

لطفِ خرامِ ساقی و ذوقِ صدائے چنگ
یہ جنتِ نگاہ، وہ فردوسِ گوش ہے

اسد الله خاں غالب​​

 

[master007]

جاتے ہوئے کہتے ہو قیامت کو مِلیں گے
کیا خُوب! قیامت کا ہے گویا کوئی دن اور

ناداں ہو جو کہتے ہو کہ، کیوں جیتے ہیں غالب
قسمت میں، ہےمرنے کی تمنا کوئی دن اور

اسد الله خاں غالب​​

 

[master007]

نہیں اِس کھُلی فضا میں کوئی گوشۂ فراغت​
یہ جہاں عجب جہاں ہے نہ قفس، نہ آشیانہ​
تِری بندہ پروَرِی سے مِرے دن گزر رہے ہیں​
نہ گِلہ ہے دوستوں کا، نہ شکایتِ زمانہ​
​
علامہ محمد اقبال​​​

 

[master007]

تجھے یاد کیا نہیں ہے، میرے دل کا وہ زمانہ​
وہ ادب گہِ محبّت، وہ نِگہ کا تازیانہ​
​
یہ بُتانِ عصْرِحاضِر کے بنے ہیں مدرِسے میں​
نہ ادائے کافِرانہ، نہ تراشِ آزَرانہ​
​
​
علامہ محمد اقبال​​​