Poetry آج کے منتخب اشعار

[master007]

پھر کسی یاد نے کروٹ بدلی​
کوئی کانٹا سا چُبھا ہے دل میں​
​
پھر کسی غم نے پُکارا شاید​
کچھ اُجالا سا ہُوا ہے دل میں​
​
ناصرکاظمی​​​

 

[master007]

عشقِ بُتاں کو جی کا جنجال کرلیا ہے
آخر یہ میں نے اپنا کیا حال کرلیا ہے

سنجیدہ بن کے بیٹھو، اب کیوں نہ تم، کہ پہلے
اچھی طرح سے مجھ کو، پامال کرلیا ہے

حسرت موہانی​​

 

[master007]

گُزر گئی حد سے پائمالی، عتابِ ترکِ کلام کب تک
رہے گی مسدُود اے سِتم گر! رہِ پیام و سلام کب تک

حسرت موہانی​​

 

[master007]

اے طبیبو نہ اذیّت دو مجھے بہرِخُدا
آپ دردِ دلِ بیمار نہیں جانے کا

غلام ہمدانی مصحفی​​

 

[master007]

تِرے کوچے ہربہانے مجھے دن سے رات کرنا
کبھی اِس سے بات کرنا، کبھی اُس سے بات کرنا

غلام ہمدانی مصحفی​​

 

[master007]

اِنکار ہی کردیجیے اِقرار نہیں تو
اُلجھن ہی میں مرجائے گا بیمار نہیں تو

افتخار راغب​​

 

[master007]

کہا کہ آپ تو راغبؔ کو بھی بُھلا بیٹھے
وہ بولے وقت ہی نا مہربان ایسا ہے

افتخار راغب​​

 

[master007]

ہجر کی شب، ہم کو یوں کہتی ہے، ہنگامِ اخیر
ہوچکی اختر شُماری، دَم شُماری کیجیے

کیا کریں ہم ! صبْر پر اپنا نہیں کچُھ اِختیار
ورنہ یوں مجبُور ہوتے، اختیاری کیجیے

غلام ہمدانی مصحفی​​

 

[master007]

یہ اپنی چال ہے افتادگی سے اب، کہ پہروں تک !
نظرآیا جہاں پرسایۂ دیوار، بیٹھے ہیں

انشا الله خاں انشا​​

 

[master007]

نہ چھیڑ اے نکہتِ بادِ بہاری، راہ لگ اپنی !
تجھے اٹھکھیلیاں سُوجھی ہیں، ہم بیزار بیٹھے ہیں


انشا الله خاں انشا​​